27 noyabr 2016-cı il tarixində Praqa Hilton Hotelində Diplomatların Həyat yoldaşları Assosiasiyası tərəfindən Beynəlxalq Milad Festivalı təşkil edilib.

Sözügedən festival çərçivəsində Çexiyada akreditə olunmuş müxtəlif səfirliklərin stendləri ilə yanaşı, Azərbaycan səfirliyinin stendi quraşdırılıb və ölkəmizə məxsus hədiyyələr, suvenirlər, Azərbaycan şirniyyatı, içkilər, habelə müxtəlif kitab və broşürlər xeyriyyə məqsədi ilə satışa çıxarılıb. Festivalda həmçinin Azərbaycanın milli rəqsi ''Sarı Gəlin'' və Üzeyir Hacıbəyovun ''O olmasın, bu olsun'' operasından Uzundərə rəqsi nümayiş etdirilib və tədbir iştirakçılarının alqışlarına səbəb olub.

Festival ərzində Azərbaycan stendi tədbir iştirakçılarının marağına səbəb olub və qonaqlara ölkəmizlə bağlı təbliğat materialları paylanılıb.

Satışdan toplanan vəsait Çexiya Respublikasında mövcud olan müxtəlif xeyriyyə təşkilatlarını dəstəkləməyə yönəldilib.